Back-End Developer

კომპანია "არესემ საქართველო სოლუშენსი" აცხადებს ვაკანსიას Back-End დეველოპერის პოზიციაზე.

კომპანიის შესახებ:

"არესემ საქართველო სოლუშენსი" წარმოადგენს კომპანიას, რომელიც სპეციალიზებულია ERP სისტემების იმპლემენტაციასა და ბიზნესპროცესების ციფრულ ტრანსფორმაციაში.
კომპანია ორგანიზაციებისთვის უზრუნველყოფს ოპერაციული და ფინანსური პროცესების ერთიან სისტემაში ინტეგრაციას, გამჭვირვალობის ზრდას, მართვის ხარისხის გაუმჯობესებასა და მონაცემებზე დაფუძნებული გადაწყვეტილებების მიღებას.

ERP გადაწყვეტილებების გარდა, კომპანია ქმნის დამოუკიდებელ პროგრამულ პროექტებსაც, რომლებიც მორგებულია სხვადასხვა ინდუსტრიის მრავალფეროვან ბიზნესმოთხოვნებზე.

სამუშაო ადგილი: თბილისი, ზაქარია ფალიაშვილის ქ. 85
სამუშაო გრაფიკი: ორშაბათი-პარასკევი, 10:00-19:00, სრული განაკვეთი

ძირითადი მოვალეობები:

** .NET Core/.NET-ისა და C#-ის გამოყენებით სერვერული სერვისებისა და აპლიკაციების შექმნა, განვითარება და მხარდაჭერა;
** სუფთა, მასშტაბირებადი და მარტივად მხარდაჭერადი კოდის წერა საუკეთესო პრაქტიკების დაცვით;
** აპლიკაციების მაღალი წარმადობისა და სწრაფი რეაგირების უზრუნველყოფა;
** პროგრამული უზრუნველყოფის განვითარების სრულ ციკლში მონაწილეობა, მათ შორის მოთხოვნების ანალიზში, პროექტირებაში, პროგრამირებაში, ტესტირებასა და დანერგვაში;
** ტექნიკური ხარვეზების გამოვლენა და აღმოფხვრა, აპლიკაციების წარმადობის ოპტიმიზაცია;
** სხვადასხვა მიმართულების გუნდებთან და დაინტერესებულ მხარეებთან თანამშრომლობა ხარისხიანი პროგრამული გადაწყვეტილებების შესაქმნელად.

საკვალიფიკაციო მოთხოვნები:

** Back-End დეველოპერის ან მსგავს პოზიციაზე მუშაობის მინიმუმ 1-წლიანი გამოცდილება;
** C#-ისა და .NET Core/.NET-ის საფუძვლიანი ცოდნა;
** ASP.NET Core Web API-სთან მუშაობის პრაქტიკული გამოცდილება;
** Entity Framework Core-ის გამოყენების გამოცდილება, მათ შორის Code First მიდგომით მუშაობა და მიგრაციების მართვა;
** MS SQL Server-ის საფუძვლიანი ცოდნა;
** RESTful API-ების პროექტირებისა და OpenAPI/Swagger-ის გამოყენების გამოცდილება;
** Docker-ისა და კონტეინერების ორკესტრაციის საბაზისო ცოდნა;
** Git-თან და CI/CD პროცესებთან მუშაობის გამოცდილება (მაგალითად, GitHub Actions, Jenkins);
** მოდულური და ინტეგრაციული ტესტების წერის გამოცდილება (xUnit, NUnit, Moq);
** Clean Architecture-ისა და SOLID პრინციპების ცოდნა.

პიროვნული უნარ-ჩვევები:

** ანალიტიკური აზროვნება და პრობლემების გადაჭრის უნარი;
** ახალი ტექნოლოგიების სწრაფად ათვისების უნარი;
** გუნდური მუშაობისა და ცოდნის გაზიარების უნარი;
** ეფექტური კომუნიკაციისა და ტექნიკური საკითხების გასაგებად გადმოცემის უნარი;
** დროის ეფექტურად მართვის უნარი;
** ორგანიზებულობა, დეტალებზე ორიენტირება და პასუხისმგებლობის გრძნობა.

ჩვენ გთავაზობთ:

** დინამიურ და პროფესიულ განვითარებაზე ორიენტირებულ სამუშაო გარემოს;
** რეალური ბიზნესამოცანების გადაჭრაში ჩართულობას და სხვადასხვა ინდუსტრიისთვის პროგრამული პროდუქტების შექმნის პრაქტიკულ გამოცდილებას;
** ჯანმრთელობის დაზღვევას.

განაცხადის წარდგენა:

დაინტერესებულ პირებს გთხოვთ, გამოგვიგზავნოთ CV/რეზიუმე ელექტრონულ მისამართზე [email protected] ([email protected]?subject=) 2026 წლის 25 ოქტომბრის ჩათვლით. სათაურის ველში აუცილებლად მიუთითეთ ვაკანსიის დასახელება: "Back-End დეველოპერი".

რეზიუმეების განხილვის შედეგად დავუკავშირდებით მხოლოდ შემდეგ ეტაპზე გადასულ კანდიდატებს.
გაცნობებთ, რომ ვაკანსიაზე თქვენი მონაცემების გამოგზავნით, პერსონალურ მონაცემთა დაცვის შესახებ საქართველოს კანონმდებლობის შესაბამისად, აცხადებთ თანხმობას, რომ შპს "არესემ საქართველო სოლუშენსი" დაამუშავებს თქვენს პერსონალურ მონაცემებს ვაკანსიასთან შესაბამისობის დადგენის მიზნით. თქვენ მიერ გამოგზავნილი რეზიუმე შესაძლოა განხილულ იქნეს სხვა შესაბამისი ვაკანტური პოზიციებისთვის და შენახულ იქნეს 1 წლის განმავლობაში.

გისურვებთ წარმატებას!