Product Owner Mentor GEO

ADI-ის შესახებ

ციფრული ინდუსტრიის აკადემია ADI 2018 წელს დაარსდა თბილისში, როგორც ინიციატივა, რომელიც გამიზნული იყო აქტუალური პრობლემის - ადგილობრივ ბაზარზე ციფრული ინდუსტრიაში პროფესიონალების ნაკლებობის გადასაჭრელად.

2018 წელს თბილისში დაწყებული პატარა ინიციატივა დღეს უკვე წარმოადგენს გლობალურ EdTech პლატფორმას, რომელსაც ჰყავს 30,000-ზე მეტი კურსდამთავრებული.

2023 წლიდან Tether-თან პარტნიორობით, ჩვენი მისია გაფართოვდა და ახლა გლობალურად ვეხმარებით ადამიანებს მიიღონ პრაქტიკული განათლება და დაიწყონ კარიერა ციფრულ სფეროში.

Სამუშაო აღწერილობა

ვეძებთ Product Owner-ის მენტორს, რომელსაც აქვს ძლიერი პრაქტიკული გამოცდილება პროდუქტის მართვისა და განვითარების მიმართულებით და შეუძლია საკუთარი პროფესიული გამოცდილების სტუდენტებისთვის გაზიარება.

ჩვენთვის მნიშვნელოვანია კანდიდატი, რომელსაც კარგად ესმის Product Owner-ის როლი რეალურ სამუშაო გარემოში პროდუქტის ხედვისა და მიზნების განსაზღვრიდან, მომხმარებლის საჭიროებების იდენტიფიცირებისა და პრიორიტეტიზაციის პროცესიდან, გუნდის კოორდინაციასა და პროდუქტის განვითარებამდე.

ძირითადი მოვალეობები

• ცოდნის გაზიარების, მენტორობისა და სტუდენტებთან ურთიერთობის სურვილი;

• ონლაინ და ოფლაინ ვორქშოპების ჩატარება სილაბუსის მიხედვით, რომელიც მოიცავს აქტიურ დისკუსიებს, პრაქტიკულ დავალებებსა და პროექტზე დაფუძნებულ სწავლებას;

• სწავლების პრაქტიკული მოდელის შექმნა და განვითარება საკუთარ პროფესიულ გამოცდილებაზე დაყრდნობით;

• რეალური სამუშაო ქეისების, მაგალითებისა და პროდუქტის განვითარების პროცესში მიღებული გამოცდილების გაზიარება;

• სტუდენტებისთვის Product Owner-ის ძირითადი პასუხისმგებლობების, სამუშაო პროცესებისა და თანამედროვე ინსტრუმენტების პრაქტიკულად გაცნობა;

• AI ინსტრუმენტების გამოყენების სწავლება Product Owner-ის ყოველდღიურ საქმიანობაში, მათ შორის პროდუქტის კვლევის, იდეების გენერირების, მომხმარებლის საჭიროებების ანალიზის, დოკუმენტაციის, მოთხოვნების ჩამოყალიბებისა და სხვა პროცესების გასაუმჯობესებლად;

• სტუდენტებისთვის AI-ის შესაძლებლობებისა და შეზღუდვების გაცნობა და პასუხისმგებლიანი გამოყენების პრაქტიკის გაზიარება;

• სტუდენტების მხარდაჭერა პრაქტიკული დავალებებისა და პროექტების შესრულების პროცესში;

• სტუდენტებისთვის კონსტრუქციული უკუკავშირის მიცემა და მათი პროფესიული განვითარების ხელშეწყობა;

• აქტიური, პოზიტიური და ინკლუზიური სასწავლო გარემოს შექმნა;

• სტუდენტების ჩართულობისა და დისკუსიაში მონაწილეობის წახალისება;

• სფეროში არსებული სიახლეებისა და თანამედროვე მიდგომების მუდმივი გაცნობა და სწავლების პროცესში მათი ინტეგრირება;

• ვორქშოპების ფარგლებში ინოვაციური და კრეატიული აზროვნების წახალისება.

Requirements

• Product Owner-ის პოზიციაზე მინიმუმ 3-წლიანი პროფესიული გამოცდილება;

• Cross-functional გუნდებთან მუშაობის პრაქტიკული გამოცდილება;

• დეველოპმენტის გუნდებთან მუშაობისა და მათი მართვის-კოორდინაციის გამოცდილება;

• პროდუქტის განვითარების პროცესისა და მისი ძირითადი ეტაპების პრაქტიკული ცოდნა;

• Agile მეთოდოლოგიისა და Scrum-ის პრინციპების კარგი ცოდნა;

• პროექტისა და პროდუქტის მართვის შესაბამისი ინსტრუმენტების, მათ შორის Jira-ს, ცოდნა;

• AI ინსტრუმენტების გამოყენების პრაქტიკული გამოცდილება Product Management/Product Ownership-ის პროცესებში ჩაითვლება მნიშვნელოვან უპირატესობად;

• პროდუქტის კვლევის, მომხმარებლის საჭიროებების ანალიზის, მოთხოვნების ჩამოყალიბებისა და პრიორიტეტიზაციის გამოცდილება;

• Scrum.org-ის შესაბამისი სერტიფიკატის, მაგალითად Professional Scrum Product Owner™ II (PSPO II) ან მსგავსი სერტიფიკატის ფლობა ჩაითვლება უპირატესობად;

• ძლიერი ანალიტიკური და პრობლემების გადაჭრის უნარები;

• კარგი კომუნიკაციისა და ინფორმაციის ეფექტურად გადმოცემის უნარი;

• სტუდენტების მოტივირებისა და შთაგონების უნარი;

• სხვადასხვა გამოცდილებისა და ცოდნის მქონე აუდიტორიასთან ეფექტურად მუშაობის უნარი.

ჩვენ გთავაზობთ.

• მეგობრულ სამუშაო გარემოს;

• დამოუკიდებლად მუშაობის შესაძლებლობას;

• 20 % ფასდაკლებას ტერმინალის ქოვორქინგ სივრცეში;

• ჩვენს პლატფორმაზე განთავსებულ კურსებზე ულიმიტო წვდომას და ფასდაკლებას ოჯახის წევრებისთვის;

• სწავლებისა და განვითარების პროგრამას;

• რეფერალ პროგრამას;

• კომპანიის მიერ დაგეგმილ როგორც მასშტაბურ ასევე ლოკალურ ივენთებს.