Baş Data Analitik

Təsvir

• Qrup və biznes vahidləri üzrə əsas maliyyə, kommersiya və əməliyyat məlumatlarını vahid analitik formatda toplamaq və təhlil etmək.
• Biznes nəticələrində tendensiyaları, kənarlaşmaları və performansa təsir edən əsas faktorları müəyyən etmək.
• Faktiki nəticələri əvvəlki dövrlər, büdcə, bazar və müvafiq benchmark-larla müqayisə etmək.
• Biznes vahidləri arasında müqayisəli performans təhlilləri aparmaq.
• Konkret biznes problemi və ya performans dəyişikliyinin səbəblərini müəyyən etmək üçün “deep-dive” təhlillər aparmaq.
• Rəhbərliyin diqqətini tələb edən əsas dəyişiklikləri, riskləri və imkanları müəyyən etmək.
• Azərbaycan və Qrup üçün əhəmiyyətli olan regional qonaqpərvərlik bazarları üzrə məlumat bazasını yaratmaq və mütəmadi olaraq yeniləmək.
• Azərbaycanı müvafiq regional və müqayisə edilə bilən qonaqpərvərlik bazarları ilə müqayisə etmək.
• Bazarın inkişaf istiqamətini və Qrupun bizneslərinə potensial təsirini müəyyən etmək.
• Qrupun əsas biznesləri üzrə müvafiq rəqib qruplarını müəyyən etmək və onlar haqqında məlumat bazasını yaratmaq və mütəmadi olaraq yeniləmək.
• Beynəlxalq qonaqpərvərlik, sağlamlıq və rifah (wellness), kurort və Qrup üçün əhəmiyyətli olan digər sektorlar üzrə əsas tendensiyaları izləmək.
• Aparıcı qonaqpərvərlik şirkətlərinin, operatorların və müqayisə edilə bilən portfellərin inkişafını, eləcə də biznes modellərindəki dəyişiklikləri araşdırmaq.
• Texnologiyanın, süni intellektin (AI), müştəri davranışlarının, aktivlərin idarə edilməsinin, yeni hotel konseptlərinin və digər struktur dəyişikliklərinin sektora təsirini təhlil etmək.
• Beynəlxalq hesabat və araşdırmalardan Qrup üçün əhəmiyyətli olan əsas nəticələri müəyyən etmək.
• Xarici bazarlarda baş verən dəyişikliklərin Qrup üçün potensial təsirlərini qısa və praktiki formada təqdim etmək.
• Biznes, bazar və rəqib məlumatlarını vahid və strukturlaşdırılmış analitik bazada saxlamaq.
• Müxtəlif mənbələrdən daxil olan məlumatların düzgünlüyünü və müqayisə edilə bilməsini yoxlamaq.
• Təkrarlanan analitik prosesləri və hesabatları mümkün qədər avtomatlaşdırmaq.
• Power BI və digər analitik alətlər vasitəsilə rəhbərlik üçün dashboard-lar hazırlamaq.
• Analitik modellər və vizualizasiya vasitəsilə böyük həcmli məlumatlardan əsas nəticələri çıxarmaq.

Tələblər

Təhsil:

• Biznes Analitika, Statistika, İqtisadiyyat, İnformasiya Texnologiyaları və ya müvafiq sahə üzrə ali təhsil.

İş təcrübəsi:

• Data analitikası sahəsində minimum 5 il iş təcrübəsi.

Bilik və Bacarıqlar:

• Böyük həcmli məlumatların toplanması, emalı, təhlili və interpretasiyası üzrə təcrübə.
• SQL və Excel üzrə yüksək səviyyədə biliklər.
• Power BI, Tableau və ya digər BI alətləri vasitəsilə interaktiv dashboard və hesabatların hazırlanması üzrə təcrübə.
• Statistik təhlil, trend analizi, proqnozlaşdırma və məlumatların modelləşdirilməsi üzrə biliklər.
• Güclü analitik düşünmə, problem həll etmə və detallara diqqət.
• Azərbaycan və ingilis dillərində yüksək səviyyədə ünsiyyət və təqdimat bacarığı. Rus dili biliyi üstünlükdür.

Digər üstünlüklər:

• Nahar şirkət tərəfindən təmin edilir.
• Korporativ nömrə və danışıq paketi.
• Tibbi sığorta.

İş yeri:

• Fəaliyyət ünvanı: Bakı şəhəri,Azərbaycan/ "TABIA GROUP" MMC