SMM-менеджер

ASKOga SMM menejer kerak

Mijoz: ASKO, O’zbekiston bo’ylab 80+ filialga ega shina, disk va akkumulyator savdo tarmog’i.

Muammo: Shina va akkumulyator haqida ko’pchilik faqat kerak bo’lganda o’ylaydi. Biz ASKOni shunday brendga aylantirmoqchimiz, uni har kuni kuzatib borish qiziqarli bo’lsin.

Vazifa: Shu brendni Instagram’da “uchiradigan” odamni topish. Bu odam siz bo’lishingiz mumkin.

Siz nima qilasiz:

• Instagram uchun kontent-strategiya va oylik kontent-reja tuzasiz
• Kontentni o’zingiz yaratasiz: Reels’ni suratga olishda ishtirok etasiz, montajni ko'rasiz, post va stories dizaynini tayyorlatasiz, caption yozasiz
• Trendlarni kuzatib, ularni ASKO tiliga moslashtirasiz
• Statistikani tahlil qilasiz: nima ishladi, nima ishlamadi, nega

Biz kimni qidiryapmiz?

Albatta kerak:

• SMM’da kamida 2 yil tajriba va o’zingiz yaratgan kontentdan iborat portfolio
• Reels suratga olish va montaj qilish (CapCut, Premiere yoki boshqa dastur)
• Dizayn bilan ishlash (Canva, Figma yoki Photoshop)
• Instagram statistikasini tushunish: reach, ER, saqlashlar, obunachi o’sishi

Afzallik:

• Akkauntni noldan yoki past natijadan o’stirgan keys
• Meta Ads’da target reklama tajribasi
• Avtosferada ish tajribasi

Xarakter:

• G’oyalaringiz ko’p va ularni o’zingiz amalga oshirasiz
• Tanqidni qabul qilasiz va natija uchun ishlaysiz
• Muddatga amal qilasiz: kontent-reja sizda qog’ozda qolib ketmaydi

KPI: muvaffaqiyatni qanday o’lchaymiz

• Qamrov (reach) va ER o’sishi
• Sifatli obunachilar oqimi
• Kontentning muntazam va o’z vaqtida chiqishi

Biz nima beramiz?

• Maosh: 11 000 000 so'mgacha
• Ish vaqti: 6/1 9:00 - 18:00 (shanba 13:00gacha)
• Rasmiy ishga joylashtirish
• G’oyalar uchun erkinlik: kreativni byurokratiyada bo’g’ib qo’ymaymiz
• 80+ filial, yuzlab xodim va mahsulot: kontent uchun cheksiz material va katta byudjet

Qanday topshirish kerak?

Javob berayotganda portfolio havolasini qo’shing: o’zingiz yuritgan akkauntlar, Reels’lar, Behance, Google Drive.

Bonus: “ASKO Instagram’ida birinchi qiladigan ishim...” degan 2-3 gaplik fikringizni yozing. Bunday javoblarni birinchi bo’lib ko’rib chiqamiz.

Portfoliosiz murojaatlar ko’rib chiqilmaydi.