Data üzrə mühəndis

Təsvir

İşin təyinatı: Data Mühəndisi təşkilat daxilində məlumatlar ilə idarə edilən qərarqəbuletməyə imkan vermək üçün işgüzar ağıllı həllərin layihələndirilməsinə, işlənib hazırlanmasına və optimallaşdırılmasına görə məsuliyyət daşıyır. Siz məlumat modellərini layihələndirməklə, ETL proseslərini işləyib hazırlamaqla və interaktiv informasiya panellərini və hesabatları yaratmaqla, tələblərin toplanılmasına görə məsuliyyət daşıyacaqsınız. Sizin rolunuz müxtəlif şöbələrdə maraqlı tərəflər üçün məlumatların dəqiqliyi, davamlılığı və əlçatanlığının təmin edilməsi baxımından vacibdir.

Vəzifə Əsas öhdəliklər:

1. Maraqlı Tərəflərlə Əməkdaşlıq və Biznes Analizi

• Biznes tələblərini başa düşmək, əsas icra göstəricilərini (ƏİG/KPI) müəyyənləşdirmək və onları effektiv BI həllərinə çevirmək üçün maraqlı tərəflər və yığma komandalar ilə sıx əməkdaşlıq etmək.
• İşgüzar qərarqəbuletməni idarə edən tendensiyaları, nümunələri müəyyənləşdirmək üçün məlumatların (o cümlədən xüsusi ad-hoc və intellektual) təhlilini icra etmək və praktiki tövsiyələr vermək.
• Dəqiq biznes-analitika həllərini təqdim etmək üçün biznes prosesləri və məlumat axınları barədə dərin anlayışa sahib olmaq və bunu qoruyub saxlamaq.

2. Data Mühəndisliyi, ETL və Verilənlər Bazası (DB)

• Məlumatları çoxsaylı mənbələrdən mərkəzləşdirilmiş məlumat anbarına inteqrasiya etmək üçün irihəcmli, səmərəli və qorunub saxlanıla bilən məlumat modellərini, axınlarını və ETL proseslərini işləyib hazırlamaq.
• Məlumatları çıxartmaq, dəyişdirmək və yükləmək üçün səmərəli və mürəkkəb SQL/PL-SQL sorğuları, saxlanılan prosedurlar (stored procedures) və funksiyalar yaratmaq, mövcud DB obyektlərini (Trigger, Job) dəstəkləmək.
• Hərtərəfliliyi, yüksək məhsuldarlığı və məlumatların bütövlüyünü təmin etməklə verilənlər bazası strukturlarını tətbiq, optimallaşdırma və sazlama (tuning) etmək.

3. Hesabatlılıq və Vizualizasiya (BI)

• QlikView (Nprinting), Power BI, Tableau və ya digər müvafiq alətlərdən istifadə etməklə interaktiv informasiya panelləri (dashboards), hesabatlar və vizuallaşdırmalar işləyib hazırlamaq.
• Son istifadəçilərin məlumatlara rahat daxil olması üçün intuitiv və istifadəsi rahat interfeyslər layihələndirmək.
• BI həllərinin digər sistem və platformalara inteqrasiyasını təmin etmək üçün İT komandaları ilə birgə çalışmaq.

4. Data İdarəçiliyi (Governance) və Keyfiyyətə Nəzarət

• Hesabatlarda təqdim edilən məlumatların dəqiqliyini, davamlılığını, təhlükəsizliyini və aktuallığını təmin etmək üçün məlumat idarəetmə metodlarını, standartlarını və siyasətlərini tətbiq etmək.
• Məlumatların keyfiyyəti ilə bağlı problemləri vaxtında müəyyənləşdirmək və aradan qaldırmaq üçün profilləmə və keyfiyyətə nəzarət (QA) vasitələrini tətbiq etmək.

5. Mentorluq və İnkişaf

• Komandadakı gənc (junior) developer və analitiklərə texniki rəhbərlik etmək, onlara qabaqcıl praktikalara (best practices) dair təlimlər keçmək.
• Biznes-analitika sahəsində innovativ və rəqabətədavamlı həllər təklif etmək üçün yeni sənaye tendensiyaları və texnologiyaları mütəmadi izləmək.

Tələblər

• Kompüter Elmləri, Riyaziyyat, Məlumat Analitikası və ya əlaqəli sahə üzrə bakalavr dərəcəsi
• BI (Biznes İntellekti) inkişafı sahəsində minimum 5 illik təcrübə
• Mürəkkəb məlumat transformasiyaları və iş axınlarının hazırlanması və optimallaşdırılması üzrə təcrübə
• Ölçülü modelləşdirmə və məlumatların vizuallaşdırılması üzrə ən yaxşı təcrübələrə dair bilik
• Bulud əsaslı BI platformaları və texnologiyaları ilə tanışlıq (məsələn, Azure, AWS)
• Güclü analitik və problem həll etmə bacarıqları
• Bir neçə prioriteti idarə etmək və qısa müddət ərzində tapşırıqları yerinə yetirmək bacarığı
• Sürətli və dinamik mühitdə həm müstəqil, həm də komandada işləmək bacarığı
• BI həllərinin hazırlanması və saxlanması sahəsində səriştə
• İnteraktiv panel və hesabatların hazırlanmasında bacarıqlı
• Məlumatların təhlili və praktik nəticələrin çıxarılması bacarığı
• Məlumatların idarə olunması və təhlükəsizliyi prinsipləri haqqında anlayış
• Maraqlı tərəflərlə əməkdaşlıq və tələblərin müəyyənləşdirilməsi üzrə təcrübə
• Liderlik və mentorluq bacarıqları, Effektiv vaxt idarəçiliyi, Uyğunlaşma və təşəbbüskarlıq